Simple Lifestyle Vlogs

OFFBEAT Trekers ने TTMM तत्वावर आयोजित केलेली नाणेघाट ते भीमाशंकर ७० Km मधील पहिला टप्पा नाणेघाट ते आंबोली नमस्कार मंडळी🙏 घाटवाटा ह्या अनादी कालापासून अस्तित्वात आहेत, त्या मी, किंवा ह्यांनी आणि त्यांनी शोधल्या ह्या भानगडीत न पडता आपण त्यांचा आनंद घेणे महत्त्वाचे आहे. जशी नामांकित किल्ल्यावर माणसांची गर्दी होते तसे इथे नसते, इथे फक्त गावकरी दिसतात किंवा आमच्यासारखे खुळे ट्रेकर्स. काहींना वाट भेटते तर काही भरकटतात, थोडी भीती, थोडे नवीन शोधण्याचा एक कसोशीने केलेला प्रयत्न. ऑफबीट ट्रेकर्स ने आयोजीत केलेला ट्रेक हा २ दिवसांचा होता पण मी तो ३ दिवसांचा योजून केला कारण मला नाणेघाट हा ट्रेक वैशाखारे गावातून खालून चालू करायचा होता. माझा फसलेला ट्रेकचा किस्सा मी आधीच्या भागात सांगितला आहे तो मी परत लिहून वेळ वाया घालत नाही. आमचा ट्रेक नाणे घाटातून चालू झाला, ऑफ बीट ट्रेकरची सगळी मंडळी पुण्यातून बसने आले होते त्यामुळे आम्ही नाणे घाटातून फागुळ या गावापर्यंत बसने प्रवास केला, पुढे जंगल होते म्हणून बस इथेच सोडली. या जंगलात भरपूर गरुड आणि इतर पक्षी दिसले, आमच्या बरोबर असलेल्या शौकीन फोटोग्रा...

"थोडक्यात फसलेल्या सोलो ट्रेकचा एक थरारक प्रसंग" नमस्कार मंडळी, आपण नेहमी सोलो ट्रेकिंग या विषयावर वर भरपूर चर्चा करत असतो, काही जण बोलतील की ते करावे तर काही जण बोलतील की ते का करू नये, पण कधी कधी अशी वेळ येते की ते करणे भाग पडते आणि आपण मनात इच्छा नसताना देखील ते करतो.  (मला जाणकार वरिष्ठ ट्रेकर मंडळीनी सूचना दिल्या होत्या की मी हा ट्रेक सोलो करू नये, पण मला दुसऱ्या दिवशी नाणेघाट ते भीमाशंकर हा ठरलेला ट्रेक करायचा होता त्यासाठी मला नाणेघाटात सकाळी ७ वाजेपर्यंत पोहोचायाचे होते आणि तसे वाहन उपलब्ध पण नव्हते म्हणून मी आदल्या दिवशी सोलो ट्रेक करायचा निर्णय घेतला.) असाच एक किस्सा माझ्याबरोबर घडला मागच्या शुक्रवारी मला टोकावडे गावातून नाणे घाट चढून घाटघरला जायचे होते. बरोबर काही ट्रेकर मंडळी येणार होती पण काही कारणास्तव ते सगळे रद्द झाले आणि मला एकट्याला हा ट्रेक करावा लागला. मनात थोडी भीती होती, कारण जुन्नरच्या वन क्षेत्रात भारतातील सर्वाधिक बिबट्यांची संख्या आहे आणि मला सकाळी लवकरच ट्रेक चालू करायचा होता, कारण काही चुका झाल्या तर वेळ हातात ठेवता येईल आणि सूर्यास्ताआधी नाणेघा...