संपूर्ण सोमनाथ दर्शन
संपूर्ण सोमनाथ दर्शन, श्री सोमनाथ ज्योतिर्लिंग, त्रिवेणी संगम, सूर्य मंदीर, पांडव गुंफा, गीता मंदिर, गोलोक धाम, शारदापीठ, भालकातिर्थ, बाणगंगा, अहिल्याबाई होळकर यांनी बांधलेले सोमनाथ मंदिर आणि रात्रीचा सोमनाथ मंदिरातील लेझर शो अशी एका दिवसात केलेली भटकंती
नमस्कार मंडळी🙏
गेली एक वर्ष मनात विचार चालला होता की आपण गुरू शिखर गिरनारला भेट द्यावी पण तो योग जुळून येत नव्हता. शेवटी दिवाळीचे औचित्य साधून आम्ही ते नक्की केले आणि १५ नोव्हेंबर साठी तिकीट काढले ते होते जुनागड साठी, तिकीट ३ महिने आधी काढले तरी RAC च होते तरीही आम्ही प्रवास करायचा असे ठरवले.
आम्ही सगळी तयारी केली होती, बॅगा बांधून घेतल्या. प्रवास कसा आणि कुठे कुठे फिरायचे ते ठरवले होते, त्यानुसार गिरुशिखर गिरनार पर्वत आणि संपूर्ण जुनागढ फिरायचे असे ठरले.
१४ तारखेला पहाटे ३ वाजता मनात विचार आला की एवढे जवळ जात आहोत तर मग सोमनाथ ज्योति्लिंगांचे दर्शन का करू नये?
मग घरातल्या मंडळींना उठऊन आणि बोलून आम्ही ५ वाजता नक्की केले की सोमनाथ दर्शन पण करायचे. लागलीच त्याच ट्रेनचे पुढील एक्स्टेन्शन रिझर्व्हेशन केले.
वेरावल एक्सप्रेस किंवा सौराष्ट्र एक्सप्रेस असे त्या ट्रेनचे नाव आहे, बोरिवली वरून दुपारी २ वाजता सुटून वेरावल इथे थेट दुसऱ्या दिवशी सकाळी ६.६० ला आपल्याला पोहोचवते.
वेरावल स्टेशन बाहेर रिक्षा स्टँड आहे, ही आखणी अनपेक्षित होती म्हणून हॉटेल बुक केले नाही, ऑनलाईन सगळी हॉटेल बुक होती आणि उरली सुरली हॉटेल अवाक्याच्या बाहेर होती, तब्बल चार ते पाच हजार भाव होता. रिक्षा पकडली २०० रू सोमनाथ मंदिरापाशी सोडणार, ती नक्की केली, व्यक्ती म्हातारी आणि मुस्लिम होती, तेव्हा विचारपूस केली ते बोलले हॉटेल मिळवून देतो २००० रुपयात. हॉटेलला पोहोचलो पण भाव चढले होते २५०० रुपयात रूम मिळाली.
चाचांना विचारले सोमनाथ दर्शन साठी किती तर बोलले १००० रुपये मग घासाघीस करून ७०० रुपयात मानले. दिवाळी मूळे भाव चढे झाले होते, एरवी बहुदा ५०० रुपयात काम झाले असते.
वातावरण मस्त थंड होते, थंडीची सुरुवात झाली होती, हॉटेल वर मस्त गरम पाणी मागवले अंघोळ आटोपली, लगेच चहा नाश्ता करून सोमनाथ दर्शन चालू केले.
चाचा एकदम वयाप्रमाणे हळुवार रिक्षा चालवत होते, मला ते आवडले, नाहीतर आजची नवीन मुले रिक्षा की विमान चालवतात तेच कळतच नाही.
आपण हे दर्शन तीन भागात विभागु कारण तुम्ही पूर्ण दिवसासाठी रिक्षा करण्यापेक्षा विभागानुसार करा ते स्वस्त पडेल.
खालील विभाग सोमनाथ मध्ये आहे.
विभाग १)
त्रिवेणी संगम
आदी शंकराचर्य यांची गुंफा
सूर्य मंदीर
पांडव गुंफा, पांडवांची कुलस्वामिनी हिंगलाज माता यांचे मंदिर आहे
गीलोक धाम, इथे श्रीकृष्णाला मोक्ष प्राप्ती झाली होती
बलराम गुंफा, इथून बलराम भुलोकात सामावून गेले होते
गीता मंदिर,
शारदा पीठ
ही मंदिर जवळ जवळ आहेत, साधारण १० मिनिटाच्या परिसरात आहेत त्यामुळे आपण चालत जाऊ शकतो.
खालील विभाग वेरावल मध्ये आहेत.
विभाग २)
भलकतिर्थ इथे श्रीकृष्णाला जरा नावाच्या भिल्लाचा बाण लागला होता.
विभाग ३)
बाणगंगा, या जागेवरून जरा नावाच्या भिल्लाने श्रीकृष्णाला बाण मारला होता.
या जागेची महती आणि इतिहास आपण लवकरच व्हिडिओ स्वरूपात मांडू तो तुम्ही बघून घ्यावा.
ह्या सगळ्या जागा बघण्यासाठी आपल्याला २-३ तास पुरे आहेत.
संपूर्ण फिरून दुपार झाली होती, मग आम्ही सोमनाथ मंदिरात दर्शन घेतले आणि मंदिरातील प्रासादालयात प्रसाद रुपी जेवण घेतले.
थकल्यामुळे आम्ही परत हॉटेल वर गेलो १ तास आराम केला.
परत संध्यकळी आम्ही अहिल्याबाई होळकरांनी बांधलेले ओल्ड सोमनाथ मंदिर बघीलते, ते मूळ सोमनाथ मंदिराच्या आवारातच आहे.
सोमनाथ मंदिरातील रात्रीचा लेझर शो बघीलता मंदिरा बद्दल भरपूर माहिती मिळाली.
मग रात्रीचे जेवण करण्यासाठी गूगल देवीचा सहारा घेतला, मग कळले जवळच सोमनाथ संस्थानाचे लिलावती अतिथी गृह आहे, हॉटेल आणि रेस्टॉरंट दोन्ही, तिकडे जेवण छान आहे.
गुजराथी थाळी अत्यंत सुंदर होती आणि रास्त भावात सुद्धा अवघे ७० रुपये.
वेरावलला जाण्यासाठी रात्री भरपूर रिक्षा उपलब्ध आहेत त्यामुळे काही त्रास होणार नाही. मग रात्री ११ वाजताची सोमनाथ ओखा एक्सप्रेस पकडुन रात्री १ वाजता जुनागढ इथे पोहोचलो.
पुढे झालेली पंचाईत पुढील भागात क्रमशः
हा आमचा भटकंती रुपी अनुभव आपण व्हिडिओ स्वरूपात मांडत आहोत, तो नक्की बघुनंघ्या आणि आपला अभिप्राय कॉमेंट मध्ये नक्की कळवावा ही विनंती.
YouTube link:
https://youtu.be/zp1WOeyo42s
ही फिरस्तीची मोहीम आखताना मी भरपूर ट्रेकर मंडळींशी सल्ला मसलत केली होती आणि त्यांनी दिलेल्या माहितीमुळे आम्हाला भरपूर फायदा झाला, त्यांचे विशेष आभार.
जर आपल्याला असे विविधतेने नटलेले किंवा विशेष सहलीची ठिकाण, धबधबे, गुहा लेण्या, किल्ले, ट्रेक, hike किंवा मंदिरांची माहिती असेल तर आम्हाला जरूर कळवा, आम्हाला जरूर आवडेल भेट द्यायला.
मला अपेक्षा आहे आपल्याला माझा अनुभव लेख स्वरुपात आपणाला आवडला असेल. सोबत फोटो फेसबूक लिंक वर ऊपलब्ध आहेत, तरीपण आपणास सध्य परिस्थिती अनुभवायची असेल तर वरील दिलेल्या YouTube लिंकला नक्की क्लिक करून व्हिडिओ पहा, जर व्हीडिओ आवडला तर लाल सबस्क्राइब बटन दाबा, सोबत असलेल्या घंटेला क्लिक करून All हे बटन दाबा म्हणजे आमचे नियमित येणारे व्हिडिओ आपणास पाहण्यासाठी उपलब्ध होतील ते ही काहीही किंमत न मोजता.
WhatsApp Channel Link:
https://whatsapp.com/channel/0029Va9hK5r9xVJnXYQ6yh3L
Facebook page Simple Lifestyle Vlogs:
https://www.facebook.com/simplelifestylevlogs?mibextid=ZbWKwL
Borivali Hikers:
https://facebook.com/groups/509955217958785/
Instagram:
https://www.instagram.com/simplelifestyle.vlogs/
TTMM Simple Lifestyle Vlogs Facebook Group: https://facebook.com/groups/496676889311754/
माझे सगळे लिखाण Blog स्वरूपात: https://simplelifestylevlogs.blogspot.com/
Whatsapp Number: Nine Nine Six Seven One Five Two Nine Three Eight 99:67:1 5:29:38
जर आपल्याला या जागेची अधिक माहिती हवी असल्यास वरील नंबर वर WhatsApp मेसेज करा.
आपण आमच्या TTMM (कमीत कमी खर्च आणि भरपूर भ्रमंती) या मोफत उपक्रमात सहभागी होऊ इच्छित असाल तर मग दिलेल्या फोन नंबर वर WhatsApp मेसेज करा. फोन करू नका तो DND वर आहे, कोणीही फोन उचलणार नाही ह्याची नोंद घ्यावी. आमचे TTMM वर आधारित भरपूर व्हिडिओ YouTube Playlist वर उपलब्ध आहेत, ते लवकरच बघून घ्या आणि आमच्या फिरस्ती मध्ये सामील व्हा. आम्ही कोणतीही किंमत आकारात नाही ह्याची नोंद घ्या.
आमची टी टी एम एम ट्रेक बद्दलची संकल्पना समजून घेण्यासाठी खालील व्हिडिओ लिंकला क्लिक करून संपुर्ण माहिती मिळवा.
TTMM concept episode link: https://youtu.be/uiUPdLNxjBY
जर आपण स्वतः काही TTMM ट्रेक करत असाल तर मला WhatsApp मेसेज वर कळवा, माझे वेळेचे गणित जुळल्यास मला तुमच्या सोबत सहभाग घ्ययला आवडेल.
कळावे लोभ असावा,
आपलाच मित्र,
सिद्धेश पाटील
Simple Lifestyle Vlogs
टिप्पण्या
टिप्पणी पोस्ट करा