*केळवा पाणकोट किल्ला आणि रम्य संध्याकाळ*

*🚩 सादर जय शिवराय 🚩*

नमस्कार मित्रांनो,

आम्ही आमच्याच पालघर गावातील मौजे केळवा आणि सफाळा या गावांच्या सरहद्दीवरील असलेल्या पाणकोट किल्ल्याला भेट दिली, हा किल्ला दांडा खाडीच्या मुखावर स्थित आहे, जिथे समुद्र आणि खाडी मिळते तिथे. किल्ल्याच्या बाजूला खाजणाचा भाग आहे. किल्ला पाण्यातच असतो पण ओहटीच्या वेळी आपण जवळ आणि किल्ल्यात जाऊ शकतो. किल्ल्यात जाण धोकादायक असू शकते कारण तिथे साफ सफाई केली नाही आहे. गावकरी बोलले की आत साप विंचू असण्याची शक्यता आहे म्हणून जाऊ नका. किल्ल्यावर पाण्याची टाकी आहे. किल्ला बघितल्यावर वाटते की हा किल्ला बहु मजली असावा. किल्ल्याला दोन दरवाजे आहे एक पूर्वेला गावाकडून तर दुसरा दक्षिणेला बोटिंसाठी आहे. सध्य स्थितीमध्ये पायऱ्या नाही आहेत किंवा त्याचे झीज झाली असावी. किल्ल्यात दगडावर चढून जाऊ शकता पण ते धोका दायक आहे.

हा किल्ला पोर्तुगीजानी बांधला, गडावर तेव्हा १५ तोफा होत्या. हा किल्ला समुद्रावरील हालचाली बघण्यासाठी बांधला होता. चिमाजी अप्पांनी वसई किल्ल्याला वेढा घातल्यानंतर १० जानेवारी १७३९ रोजी मराठा सैन्याने हा किल्ला ताब्यात घेतला. १८१८ मध्ये ब्रिटिश सैन्याने हा किल्ला ताब्यात घेतला. वालुकामय मातीत गाडलेला अर्धा किल्ला २००८-०९ मध्ये उघडकीस आला होता. 

ही जागा केळवा रेल्वे स्थानकापासून १२ कम अंतरावर आहे, डमडम किंवा एसटी बस यांनी आपण इथे पोहचू शकता.

किल्ल्यामध्ये जाण्यापूर्वी गावकऱ्यांशी भरती आणि ओहटीच्या वेळा जाणून घ्या, पाणी जर वर चढले तर बाहेर ८ तासानंतर येऊ शकता, दुसरा पर्याय नाही. जमीन खाजणाची असल्यामुळे चिखलात पाय रुतून बसणार नाहीत याची काळजी घ्या.

हा किल्ला संवर्धन करणे गरजेचे आहे, करणं किल्ल्याची वास्तू पाण्याचा मारा खाऊन जीर्ण झालि आहे ती कधीही कोसळू शकते.

जर तुमच्याकडे गाडी असेल तर तुम्ही सहज ७ ते ८ किल्ले ऐका दिवसात पूर्ण करू शकता, जसे एडवणचा कोट, भवनगड, केळवा पाणकोट, केळवा भुईकोट किल्ला, माहिम किल्ला, शिरगाव किल्ला, हे सगळे ऐका रांगेत समुद्रा लगत आहेत. हे सगळे एपिसोड आपल्या चॅनलवर उपलब्ध आहेत. जर काही माहिती हवी असल्यास मला WhatsApp मेसेज करू शकता.

मला अपेक्षा आहे आपल्याला माझा अनुभव लेख स्वरुपात आवडला असेल. सोबत फोटो सुधा आहेत, पण खरी परिस्थिती अनुभवायची असेल तर नक्की खालील दिलेल्या YouTube लिंक ला क्लिक करून व्हिडिओ पाहा आणि जर व्हीडिओ आवडला तर लाल सबस्क्राइब बटन दाबा, आणि सोबत असलेल्या घंटेला क्लिक करून All हे बटन दाबा म्हणजे आमचे नियमित व्हिडिओ पाहण्यासाठी मिळतील ते ही काही किंमत न मोजता.

जर आपण आमच्या TTMM (कमीत कमी खर्च आणि भरपूर भ्रमंती) या उपक्रमात सहभागी होऊ इच्छिता तर मग खालील दिलेल्या फोन नंबर वर WhatsApp मेसेज करा. फोन करू नका तो DND वर आहे, कोणीही फोन उचलणार नाही ह्याची नोंद घ्यावी.

मी कोणतेही अभियान किंवा मोहीम आखतो तेव्हा १०० वेळा विचार आणि अभ्यास केलेला असतो, चुका होत नाहीत पण, वेळ कुणावर आणि कशी येईल ते सांगता येत नाही. म्हणून माझ्या बरोबर येताना तुम्ही पण अभ्यास करा, आपल्याला सगळ्यांना त्याचा फायदा निश्चितच होईल ही विनंती.

YouTube: https://youtu.be/x-zmawQHj0c 

Facebook:
https://www.facebook.com/simplelifestylevlogs?mibextid=ZbWKwL

Instagram:
https://www.instagram.com/simplelifestyle.vlogs/

माझे लिखाण Blog स्वरूपात: https://simplelifestylevlogs.blogspot.com/ 

Whatsapp number: ९९६७१५२९३८

कळावे लोभ असावा, आपलाच मित्र, सिद्धेश पाटील Simple Lifestyle Vlogs

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

एक अनवट वाट तांदूळवाडी गडाची

एक अनवट वाट तांदूळवाडी गडाची नमस्कार मंडळी, तांदूळवाडी गड हा तसा आपल्या सगळ्यांच्याच परिचयाचा, मुंबई जवळ, अगदी हाकेच्या अंतरावरच आहे तो, कमी खर्चिक बाब असा अगदी 100 रुपयात आपला प्रवास खर्च भागून जातो. सकाळच्या 5.45 आणि 6 अशा लागोपाठ दोन लोकल गाड्या डहाणू कडे जातात, ज्या सफाळ्याला 7 वाजता पोहोचतात. सफाळा स्टेशन बाहेर पूर्वेकडे एसटी बस उभीच असते, एसटी आपल्याला 20 रुपयात हिरव्यागार छोट्याश्या घाटाची सफर घडऊन थेट गडाच्या पायथ्याशी सोडते. घाटातून गड दिसतो पण तो धुक्यात माखलेल्या अवस्थेत असतो. एक अद्भुत असा नजारा प्रवास करताना दिसतो. तांदूळवाडी स्टॉप वर उतरल्यावर प्रशस्त असा वाहनतळ जिल्हा परिषदेने केला आहे, तिथे पार्किंग फुकट आहे मग चिंता नाही. पार्किंग समोरच काही दुकाने आहेत मग अगदी निर्धास्त पणे गाडी ठेऊन जाऊ शकता. तांदूळवाडी गड तसा लहानच पण चहू बाजूने गर्द अशा सह्याद्रीतील झाडं झुडपांनी वेढलेला आहे. मुख्य गडावर जायला आपल्याला एक दोन छोटे डोंगर पार करावे लागतात. गड परिसरात भरपूर तलाव, धरणे, गर्द झाडी, खाडी परिसर, खाजणाचा परिसर असे सगळे पक्षी आणि वन्य प्राण्यांना उपयुक्त असा पोशिंदा असल्याम...
अधिक वाचा

भला मोठा तांदूळवाडी / लालठाणे धबधबा, तांदूळवाडी गाडाखाली, सफाळे

भला मोठा तांदूळवाडी / लालठाणे धबधबा, तांदूळवाडी गाडाखाली, सफाळे नमस्कार मंडळी, हा लेख मागच्या तांदूळवाडी गडाचा क्रमशः भाग आहे, जर आपण तो लेख वाचला नसेल तर वाचून घ्यावा. गडावरून आम्ही उत्तरेच्या मार्गाने खाली उतरलो, हा थोडाफार दगडाने बनवलेला पायरी मार्ग आहे. वाटेत फार काटेरी झाडी झुडपे आहेत याची नोंद घ्यावी. ह्या वाटेने तुम्ही अर्धा गड उतरलात की परत तांदूळवाडी गावात किंवा लालठाणे गावात जाऊ शकता, खाली तसे बोर्ड लिहिले आहेत, वाटेत ऑईल पैंटने खुणा केल्या आहेत त्या बघून पायवाट धरावी. गड उतरल्यानंतर, गावा जवळ आपल्यावर उजव्या बाजूला भाला मोठा धबधबा दिसतो त्याचा स्पष्ट असा आवाज आधीच कानावर येतो. आम्ही गावाकडची पायवाट सोडून, धबधबा पहण्यासाठी वळलो. धबधबा हा भाला मोठा जवळ जवळ शे दीडशे फूट उंच असा आहे पण तो झाडं झुडपात लपलेला आहे. गड उतरताना पाऊस चालू होता, धबधबा उफाळून आला होता, जोर एवढा होता की मोबाईल, कॅमेरा काहीच शूट करू शकत नव्हतो. कसे बसे फोटो व्हिडिओ काढले, पाण्याचा आनंद मिळवला आणि आम्ही परतीचा प्रवास सुरू केला. आम्ही हा ट्रेक TTMM तत्त्वावर केला होता, आम्हाला माणशी फक्त 90 रुपये खर्च झाला....
अधिक वाचा

OFFBEAT Trekers ने TTMM तत्वावर आयोजित केलेली नाणेघाट ते भीमाशंकर ७० Km मधील पहिला टप्पा नाणेघाट ते आंबोली

OFFBEAT Trekers ने TTMM तत्वावर आयोजित केलेली नाणेघाट ते भीमाशंकर ७० Km मधील पहिला टप्पा नाणेघाट ते आंबोली नमस्कार मंडळी🙏 घाटवाटा ह्या अनादी कालापासून अस्तित्वात आहेत, त्या मी, किंवा ह्यांनी आणि त्यांनी शोधल्या ह्या भानगडीत न पडता आपण त्यांचा आनंद घेणे महत्त्वाचे आहे. जशी नामांकित किल्ल्यावर माणसांची गर्दी होते तसे इथे नसते, इथे फक्त गावकरी दिसतात किंवा आमच्यासारखे खुळे ट्रेकर्स. काहींना वाट भेटते तर काही भरकटतात, थोडी भीती, थोडे नवीन शोधण्याचा एक कसोशीने केलेला प्रयत्न. ऑफबीट ट्रेकर्स ने आयोजीत केलेला ट्रेक हा २ दिवसांचा होता पण मी तो ३ दिवसांचा योजून केला कारण मला नाणेघाट हा ट्रेक वैशाखारे गावातून खालून चालू करायचा होता. माझा फसलेला ट्रेकचा किस्सा मी आधीच्या भागात सांगितला आहे तो मी परत लिहून वेळ वाया घालत नाही. आमचा ट्रेक नाणे घाटातून चालू झाला, ऑफ बीट ट्रेकरची सगळी मंडळी पुण्यातून बसने आले होते त्यामुळे आम्ही नाणे घाटातून फागुळ या गावापर्यंत बसने प्रवास केला, पुढे जंगल होते म्हणून बस इथेच सोडली. या जंगलात भरपूर गरुड आणि इतर पक्षी दिसले, आमच्या बरोबर असलेल्या शौकीन फोटोग्रा...
अधिक वाचा