धूक्यामध्ये हरवलेला काळदुर्ग


🚩🚩जय शिवराय🚩🚩

नमस्कार मित्रांनो,

आम्ही पालघर या गावातले, फक्त सुट्टीमध्ये गावात आंबे खायला जायचे एवढेच आम्हाला माहिती. पूर्वी त्यावर कधी आपल्या आजू बाजूचा भौगोलिक परिसर किंवा इतिहासिक विषयावर कधीही अभ्यास केला नाही.

सध्या गेले दीड वर्ष सपाटून गड भ्रमंती चालू आहे तेव्हा प्रत्येक जागेचे, किल्ल्याचे, खिंडीचे महत्त्व काय हे अभ्यासातून कळत आहे.

असो, वाघोबा खिंडीत वाघोबा मंदिर आहे, तिथे पावसाळ्यात धबधबा असतो, या व्यतिरिक्त तिथे किल्ला सदृश्य जागा आहे हे माहिती नव्हते.

मंदिरा मध्ये आम्ही नेहमी थांबतो, तेव्हा काही मंडळी डोंगरावर जाताना दिसले तेव्हा हळू हळू कळले की काळ दुर्ग नावाचा टेहळणीचा बुरुज वजा किल्ला आहे ते.

दिवाळीच्या सुट्टीमध्ये आम्ही ठरवले की किल्ल्यावर जायचे, जाऊन आलो, फोटो काढले, व्हिडिओ काढले पण बाकी प्रोजेक्ट्स हातात असल्यामुळे प्रसारित करता आले नाहीत, थोडा उशीर झाला.

एक महत्वाची माहिती, ह्या किल्ल्याची कोणतीही माहिती न घेता अचानक ठरलेला आमचा ट्रेक आम्ही यशस्वीरीत्या पूर्ण केला. पण नावात गल्लत झाली, आम्हाला वाटले ह्या किल्ल्याचे नाव काल दुर्ग असे आहे पण, व्हिडिओ YouTube वर publish केल्या नंतर लगेच दुर्ग पंढरी संस्थेच्या कार्यकर्त्या कू. मानसी शिरगावकर यांनी लगेच झालेली चूक निदर्शनास आणून दिली आणि लागलीच मी दुरुस्ती पण केली. पण व्हिडिओ मध्ये दुरुस्ती करणे शक्य नाही म्हणून ती तशीच राहिली. खरे नाव काळ दुर्ग असे आहे ह्याची नोंद घ्यावी.

काळ दुर्ग, वाघोबा खिंड ही पालघर वरून मनोर हायवे कडे जाताना 5-7 km अंतरावर आहे, इथे येण्याकरता भरपूर वाहने उपलब्ध आहेत बहुदा 15-20 रुपयांमध्ये सार्वजनिक वाहन उपलब्ध होईल.

मुंबई कडून किंवा दिव्यावरून डायरेक्ट ट्रेन उपलब्ध आहेत पालघरला येण्यासाठी, अगदी 20-30 रुपयांमध्ये १-१.५ तासात आपण पालघरला पोहोचतो.

पायथ्यापासून 1 तासांमध्ये डोंगर सर होतो. समोर विहंगम दृश्य दिसते. आजूबाजूला अशेरी गड, असावा किल्ला, कोहोज किल्ला, तांदुळवाडी किल्ला, महालक्ष्मी डोंगर सहज दृष्ठीक्षेपात येतात. भर दिवाळी मध्या थोडी थंडी होती, विशेष किल्ल्यावर धुक्याची चादर पसरली होती, ते दृश्य छान होते.

हा किल्ला मी नवख्या ट्रेकर मंडळींना शिफारस करीन, छोटा ट्रेक आहे पण चढ medium level आहे जंगलात भटकणे नाही होणार, सरळ मोठा trail असल्यामुळे, काही हरविण्याचा धोका नाही, कमी खर्चिक आणि भन्नाट व्ह्यू देणारा असा आहे.

किल्ल्यावर जाताना पाणी आणि खाण्याच्या वस्तू घेणं हे उत्तम कारण जंगलात कोणतेही दुकान, हॉटेल उपलब्ध नाही.

गडावर 3-4 पाण्याच्या टाक्या आहेत पण पाणी पिण्याजोगे नाही आहे ह्याची नोंद घ्यावी.

मला अपेक्षा आहे आपल्याला माझा अनुभव लेख स्वरुपात आवडला असेल. सोबत फोटो सुधा आहेत, पण खरी परिस्थिती अनुभवायची असेल तर नक्की खालील दिलेल्या YouTube लिंक ला क्लिक करून व्हिडिओ पाहा आणि जर व्हीडिओ आवडला तर लाल सबस्क्राइब बटन दाबा, आणि सोबत असलेल्या घंटेला क्लिक करून All हे बटन दाबा म्हणजे आमचे नियमित व्हिडिओ पाहण्यासाठी मिळतील ते ही काही किंमत न मोजता.

YouTube:
https://youtu.be/9VWce8Pq0AY
 
Facebook:
https://www.facebook.com/simplelifestylevlogs?mibextid=ZbWKwL

Instagram:
https://www.instagram.com/simplelifestyle.vlogs/

माझे लिखाण Blog स्वरूपात: https://simplelifestylevlogs.blogspot.com/

Whatsapp number: ९९६७१५२९३८

जर आपण आमच्या TTMM (कमीत कमी खर्च आणि भरपूर भ्रमंती) या उपक्रमात सहभागी होऊ इच्छिता तर मग खालील दिलेल्या फोन नंबर वर WhatsApp मेसेज करा. फोन करू नका तो DND वर आहे, कोणीही फोन उचलणार नाही ह्याची नोंद घ्यावी. आमचे TTMM वर आधारित भरपूर व्हिडिओ YouTube वर उपलब्ध आहेत.

कळावे लोभ असावा, आपलाच मित्र, सिद्धेश पाटील Simple Lifestyle Vlogs

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

एक अनवट वाट तांदूळवाडी गडाची

एक अनवट वाट तांदूळवाडी गडाची नमस्कार मंडळी, तांदूळवाडी गड हा तसा आपल्या सगळ्यांच्याच परिचयाचा, मुंबई जवळ, अगदी हाकेच्या अंतरावरच आहे तो, कमी खर्चिक बाब असा अगदी 100 रुपयात आपला प्रवास खर्च भागून जातो. सकाळच्या 5.45 आणि 6 अशा लागोपाठ दोन लोकल गाड्या डहाणू कडे जातात, ज्या सफाळ्याला 7 वाजता पोहोचतात. सफाळा स्टेशन बाहेर पूर्वेकडे एसटी बस उभीच असते, एसटी आपल्याला 20 रुपयात हिरव्यागार छोट्याश्या घाटाची सफर घडऊन थेट गडाच्या पायथ्याशी सोडते. घाटातून गड दिसतो पण तो धुक्यात माखलेल्या अवस्थेत असतो. एक अद्भुत असा नजारा प्रवास करताना दिसतो. तांदूळवाडी स्टॉप वर उतरल्यावर प्रशस्त असा वाहनतळ जिल्हा परिषदेने केला आहे, तिथे पार्किंग फुकट आहे मग चिंता नाही. पार्किंग समोरच काही दुकाने आहेत मग अगदी निर्धास्त पणे गाडी ठेऊन जाऊ शकता. तांदूळवाडी गड तसा लहानच पण चहू बाजूने गर्द अशा सह्याद्रीतील झाडं झुडपांनी वेढलेला आहे. मुख्य गडावर जायला आपल्याला एक दोन छोटे डोंगर पार करावे लागतात. गड परिसरात भरपूर तलाव, धरणे, गर्द झाडी, खाडी परिसर, खाजणाचा परिसर असे सगळे पक्षी आणि वन्य प्राण्यांना उपयुक्त असा पोशिंदा असल्याम...
अधिक वाचा

भला मोठा तांदूळवाडी / लालठाणे धबधबा, तांदूळवाडी गाडाखाली, सफाळे

भला मोठा तांदूळवाडी / लालठाणे धबधबा, तांदूळवाडी गाडाखाली, सफाळे नमस्कार मंडळी, हा लेख मागच्या तांदूळवाडी गडाचा क्रमशः भाग आहे, जर आपण तो लेख वाचला नसेल तर वाचून घ्यावा. गडावरून आम्ही उत्तरेच्या मार्गाने खाली उतरलो, हा थोडाफार दगडाने बनवलेला पायरी मार्ग आहे. वाटेत फार काटेरी झाडी झुडपे आहेत याची नोंद घ्यावी. ह्या वाटेने तुम्ही अर्धा गड उतरलात की परत तांदूळवाडी गावात किंवा लालठाणे गावात जाऊ शकता, खाली तसे बोर्ड लिहिले आहेत, वाटेत ऑईल पैंटने खुणा केल्या आहेत त्या बघून पायवाट धरावी. गड उतरल्यानंतर, गावा जवळ आपल्यावर उजव्या बाजूला भाला मोठा धबधबा दिसतो त्याचा स्पष्ट असा आवाज आधीच कानावर येतो. आम्ही गावाकडची पायवाट सोडून, धबधबा पहण्यासाठी वळलो. धबधबा हा भाला मोठा जवळ जवळ शे दीडशे फूट उंच असा आहे पण तो झाडं झुडपात लपलेला आहे. गड उतरताना पाऊस चालू होता, धबधबा उफाळून आला होता, जोर एवढा होता की मोबाईल, कॅमेरा काहीच शूट करू शकत नव्हतो. कसे बसे फोटो व्हिडिओ काढले, पाण्याचा आनंद मिळवला आणि आम्ही परतीचा प्रवास सुरू केला. आम्ही हा ट्रेक TTMM तत्त्वावर केला होता, आम्हाला माणशी फक्त 90 रुपये खर्च झाला....
अधिक वाचा

OFFBEAT Trekers ने TTMM तत्वावर आयोजित केलेली नाणेघाट ते भीमाशंकर ७० Km मधील पहिला टप्पा नाणेघाट ते आंबोली

OFFBEAT Trekers ने TTMM तत्वावर आयोजित केलेली नाणेघाट ते भीमाशंकर ७० Km मधील पहिला टप्पा नाणेघाट ते आंबोली नमस्कार मंडळी🙏 घाटवाटा ह्या अनादी कालापासून अस्तित्वात आहेत, त्या मी, किंवा ह्यांनी आणि त्यांनी शोधल्या ह्या भानगडीत न पडता आपण त्यांचा आनंद घेणे महत्त्वाचे आहे. जशी नामांकित किल्ल्यावर माणसांची गर्दी होते तसे इथे नसते, इथे फक्त गावकरी दिसतात किंवा आमच्यासारखे खुळे ट्रेकर्स. काहींना वाट भेटते तर काही भरकटतात, थोडी भीती, थोडे नवीन शोधण्याचा एक कसोशीने केलेला प्रयत्न. ऑफबीट ट्रेकर्स ने आयोजीत केलेला ट्रेक हा २ दिवसांचा होता पण मी तो ३ दिवसांचा योजून केला कारण मला नाणेघाट हा ट्रेक वैशाखारे गावातून खालून चालू करायचा होता. माझा फसलेला ट्रेकचा किस्सा मी आधीच्या भागात सांगितला आहे तो मी परत लिहून वेळ वाया घालत नाही. आमचा ट्रेक नाणे घाटातून चालू झाला, ऑफ बीट ट्रेकरची सगळी मंडळी पुण्यातून बसने आले होते त्यामुळे आम्ही नाणे घाटातून फागुळ या गावापर्यंत बसने प्रवास केला, पुढे जंगल होते म्हणून बस इथेच सोडली. या जंगलात भरपूर गरुड आणि इतर पक्षी दिसले, आमच्या बरोबर असलेल्या शौकीन फोटोग्रा...
अधिक वाचा